Марий Элыште илыше-влак 7-ше майыште эртаралтше «Сеҥымаш диктантыш» ушнен кертыт. Мероприятийыште Кугу Ачамланде сар нерген шинчымашым тергаш лиеш.

Акцийлан ямдылалташ регионысо оргкомитетым ыштыме. Тудым Марий Эл правительстве преседательын икымше алмаштышыже Михаил Васютин вуйлата. Возашлан кум площадке лиеш. Тиде Марий университетын «Точка кипений» верже, историй да филологий факультет да Юлтехын икымше корпусшо.

Возышо-влак 45 минут жапыште историй дате, герой да событий-влак дене кылдалтше 20 йодышлан вашмутым пуышаш улыт. Сеҥыше-влакым верысе, регионысо да федерал кӱкшытыштӧ 12-шо июньышто палемдат. Чыла площадкыштат возымаш 13 шагатлан тӱҥалеш.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.