Общероссийский калык фронтын «Салтакын пӱрымашыже» проект кышкарыште элысе кундемыште стационар да кусныл коштшо мер приёмный-влак таче почылтыныт.
Тушко еҥ-влак Кугу Ачамланда сарыште йомшо лишыл еҥышт нерген уверым кычалаш йодмашым пуэн кертыт. Марий Элыште приёмный ОНФ-ын исполкомыштыжо пашам ышташ тӱҥалын. Адресше: Йошкар-Ола, Ленин проспект, 29-ше пӧрт, 50-ше пӧлем.
Тылеч посна 9-ше майыште курымашлык тул воктене да Медведево посёлкышто рӱдӧ паркыште 9 гыч 12 шагат марте мобильный пункт-влак лийыт. Приёмный-влак май мучко пашам ыштат.