VI «Финн-угор калык-влакын поянлыкышт» студент форум Йошкар-Олаште 15 майыште чумырга. Мероприятий тӱнямбал кӱкшытан лийшаш. Марий рӱдолашке финн-угор калык-влакын илыме регионла да йот элла гычат уна-шамыч толшаш улыт.
Форум студент да аспирант-влак коклаште кылым пеҥгыдемдаш, финноугроведенийыште шымлыме да шанче пашаште могай лектышыш шумышт нерген икте-весыштым палдараш шонымаш дене тений кудымшо гана эртаралтеш.
Таче форумын участникше-влак секцийлаште пашам ыштат, Республикысе курчак театрыште «Йӱд орол» спектакльым ончат. Эрла Унчо кундемышке каят. Верысе этнокультур комплексыште уна-влаклан экскурсийым эртарат, туштак мастер-класс-шамыч эрташ тӱҥалыт.