Йоча-влаклан пӧлеклалтше республикысе «Изи мӧр пеледыш» пайрем 1 июньышто лиеш. Мероприятий Марий республикысе йоча ден самырык-влаклае театрыште эрта.

Йоча пайремым Республикысе марий тӱвыра рӱдер «Мер каҥаш» мер ушем дене пырля эртара. Тушко марий йылмым тунеммаште кӱкшӧ лектышым ончыктышо, йоча да самырык-влакын мер ушемын чолгаеҥже-влак, тыгак оласе, районысо, республикысе, Россий да тӱнямбал кӱкшытан олимпиадылаште, шанче да усталык конкурслаште, ончерлаште да фестивальлаште сеҥышыш лекше тӱҥалтыш да кыдалаш класслаште тунемше-влакым ӱжмӧ. Районласе да Йошкар-Оласе школла гыч 200 утла тунемше толшаш.

Марий йомакысе герой-влак Йоча-влакым калык модыш дене модыктат, конкурсым эртарат. Марий самырык театрын артистше-влак марий драматург В. Абукаевын «Каза, тага да пырыс» йомакше почеш шындыме спектакльым ончыктат. Тыгак пайремын унаже-влакым «Юзо шӱвыроҥ» шовын шоу вуча, «Мый улам Марий Элын шочшыжо» фотоончер Республикысе тӱвыра рӱдерын эртарыме йоча мероприятий-влакын татшым почын пуа.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.