Марий Элыште 46 предприятий 25 миллион теҥге пашадарым тӱлен огыл

Прокурор-влакын тергыме пашам эртарымышт почеш, пашадарым жапыштыже тӱлыдымылан кок уголовный делам почмо.
Деньги

Марий Эл Республикыште 46 предприятий шке жапыштыже 25 миллион теҥге пашадарым пашаеҥже-влаклан тӱлен огыл. Шийвундо деч посна 570 еҥ кодын, палдарат Марий Элын прокуратурыштыжо.

Идалык тӱҥалтыш гыч гына прокурор-влак законым пудрытымо 200 лиймашым рашемденыт да мутым кучаш 59 вуйлатышым шогалтым. Прокурор-влакын тергыме пашам эртарымышт почеш, пашадарым жапыштыже тӱлыдымылан кок уголовный делам почмо.

Прокуратурын пеҥгыдылыкшылан кӧра, идалык тӱҥалтыш гыч 30 миллион теҥгем 2 тӱжем наре пашаеҥлан тӱлымӧ.

Кидшер
Шонымашым ешараш