Марий самырык тукым слётыш йодмаш-влакым чумырат

XI Марий самырык тукымын слётышкыжо йодмаш-влакым 28 июнь марте погат. Тидын нерген слётын организаторжо Алёна Иванова «Кидшер» интернет-журналлан палдарен.

«Мерпориятий Морко районысо Унчо селаште сӱрем тылзын 8 гыч 13 кечыж гыч эрташ тӱҥалеш. Тенийсе слётын девизше «Села: тӱвыра, чолга, мыйын». 18 гыч 35 ияш марте самырык да чолга семмастар, актёр, куштыжо, сӱретче, дизайнер, блогер, фотосӱретче, социал проект-влакын вуйлатышышт да координаторышт-влакым ӱжына», — ойла слётым эртарыше.

Мероприятий Тӱнямбалсе йылме идалыклан, Российыште театр идалыклан пӧлеклалтын. Мероприятий 100 самырыкеҥым чумырышаш. Программыште лекций, пӱсӧ мутланымаш, мастар-класс, йыргешке ӱстел-влак.

Слётыш ушнашлан «Молодежь России» системыште регистрацийым эртыман, «ХI Всероссийский слет марийской молодежи» лончым ойырыман да анкетым возыман.

Ушештарена, Морко районысо Унчо села 2019 ийыште финн-угор тӱнян тӱвыра рӱдыверже лӱмым нумалеш.

Кидшер
Шонымашым ешараш