Морко районысо Унчо селаште Тӱвыра да каныме паркым сӱрем тылзе марте тӱзатен шуктат. Тиде пашалан 1 миллионат 545 тӱжем тенге ойыралтеш, палдарен «Кидшер» интернет-журналлан Унчо ял шотан илем администрацийым вуйлатыше Иван Евсеев.
«Тыште мемнан йолын коштмо корно тӧрлалтеш. Кужытшо 400 метр. Воктенже ме каналташлан теҥгылым, шӱкым кудалташлан урным, да светильник-влакым шогалтена. Чыла пашажымат сӱрем тылзыште мучашлаш шонена», — палдарен администраций вуйлатыше.
Пашам верысе инициативе программе кышкарыште шуктат. Чылажге Марий Элыште 43 проектым ойырым. Чыла пашашлан республикысе бюджет гыч шийвундым ойырат. Дотаций-влакын чумыр кугытшо 25 миллион тенге.
Мут толмашеш, кызыт Унчышто тыгак Т.Ефремов уремыште автокорным шотыш кондат.
Ушештарена, тений марий села финн-угор тӱнян тӱвыра рӱдыверже лумым нумалеш.