Марий Оньыжа Эдуард Александров калыкым Пеледыш пайрем дене саламлен.

«Тиде пайремын эртыме корныжо кужу да тӱрлӧ шӧрынан. Икымше гана тудым 1920 ийыште Шернурышто Йошкар пеледеш пайрем семын палемденыт. Тыште кугу рольым Шернур педкурсын туныктышо-влак модыныт, нуно шке кокла гыч писатель Александр Конаковым ойыреныт да тудлан тиде сомылым вуйлаташ ӱшаненыт», — палемда Александров.

«Пеледыш пайремым ме поро йӱла почеш шошо ага паша пытымеке палемдена. Туге гынат кызытсе Пеледыш пайрем пеледыш да мланде паша пайрем веле огыл, тиде тыгак марий калыкын йӱлажым умбакыже шуен толмым ончыктышо пайрем, эртыше пагытым да ончыкылыкым ушен шогышо кыл», — ойла Оньыжа.

«Пагалыме марий-влак! Айста теният Пеледыш пайремым чолган эртарена. Ончыкыжымат шочмо кундемнам, калыкнам тӱзаташ вийнам огына чамане. Таза, кужу ӱмыран, пиалан лийза», — тылана Оньыжа.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.