«Ачийжат-авийжат»: Унчышто драмым кава йымлане ончыктат

Финн-угор тӱнян тувыра рӱдыверыштыже — Унчо селаште М.Шкетан лӱмеш Марий драме театрын актёржо-влак М.Шкетанын пьесыж почеш шындыме «Ачийжат-авийжат» драмым 8 июльышто ончыктат. Спектакль кава йымлане эрташ тӱҥалеш, палдарат театрыште.

Спектакльыште РФ-н сулло артистше-влак Олег Кузьминых, Иван Смирнов, Маргарита Медикова, Марий Эл Республикын калык артистше-влак Светлана Строганова, Антонина Антонова, Марий Эл Республикын сулло артистше-влак Сергей Данилов, Светлана Сандакова, Эдуард Яковлев, Андрей Бусыгин да молат модыт.

Икымше гана «Ачийжат-авийжат…» спектакльым 1923 ийыште пьесын авторжо – марий сылнымутын классикше — М.Шкетан шынден. Тиддеч вара спектакль дек ятыр гана пöртылыныт.

Кидшер
Шонымашым ешараш