Таче сӱрем тылзын 6-шо кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий:

  • Шупшалалтмашын тӱнямбалсе кечыже.
  • 1785 ий — УАШ валютылан «доллар» лӱмым пуымо.
  • 1885 ий — Орымаш чер ваштареш кучылтмо вакциным икымше гана айдемылан ыштыме. Черлыже – 9 ияш рвезе Йозеф Майстер лийын, эмлызыже – Луи Пастер. Нине кок лӱм дене моткоч оҥай илыш пӱрымаш кылдалтын: Луи Пастерын колымекыже, Йозеф тудын шӱўгаржым оролен. Эсогыл фашист-влакланат тудым тӱкалаш пуэн огыл.
  • 1918 ий — Россий Федерацийысе элкӧргӧ паша министерствын финанс службыжым почыныт.
  • 1940 ий — Волжск олалан негызым пыштыме. Ончыч Лопатино посёлко ыле.

Шочыныт:

  • 1901 ий — Прокопий Карпов-Пӱнчерский, марий серызе, туныктышо, кусарыше, артист, литератур критик, мер пашаеҥ.
  • 1922 ий — Иван Ильич Марьин, Совет Ушем Герой.
  • 1923 ий — Ольга Александровна Тихомирова, партизанка.
  • 1953 ий — Нина Аркадьевна Ефимова, журналист да сымыктыш пашаеҥ.
  • 1970 ий — Андрей Валерьевич Чемышев, мер да шанче пашаеҥ, компьютер лингвист.

Калык пале:

  • Аграфенан кечыже. Ты кечын нужна-влаклан кечывал кочкышым луктын пуэныт. Кас велеш йӱштылаш каеныт. Ял воктен ер але эҥер лийын огыл гын, лӱмын мончам ямдыленыт.
  • Марий калыкын ожнысо йӱлажым ончалаш гын, кугезына-влак мончам ер але эҥер воктене шындаш тыршеныт. Марий-влак мончам кызытат йоратат: шудо солымо пагытыште ожно мончам кажне кечын ырыктен шогеныт, телым гына арнялан ик гана олтеныт. Ожно тиде кечын эрдене эреак мончаш пурат. Тиде жапыште воньык шуэш. Икшывым памаш деке намиен, шӱргыжым йӱштӧ вӱд дене мушкыт.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.