Йошкар-Олаште тротуар-влакым шотыш кондат

Коляске дене коштшо-влаклан йолгорным Вознесенский, Осипенко, Кремль, Йошкар-Армий уремлаште келыштарыме.

Марий Элын рӱдолаштыже тротуар-влакым олмыктымо паша умбакыже шуйна.

Тымарте Советский, Карл Маркс уремлаште тротуар ужашым тӧрлымӧ. Кызыт Петров урем ден Чавайн бульварыште паша шукталтеш. Умбакыже 1-ше номеран школ деке шуйнышо йолгорным олмыкташ тӱҥалыт. Коляске дене коштшо-влаклан йолгорным Вознесенский, Осипенко, Кремль, Йошкар-Армий уремлаште келыштарыме.

Йошкар-Оласе администрацийын палдарымыж почеш, рӱдолаште тротуар-влакын тӱшка кужытышт 150 меҥге утла погына. Южыжым эше 30-40 ий ончычак ыштыме да ны нормативлан, ны калыкын йодмыжлан келшен огыт тол.

Кидшер
Шонымашым ешараш