Йошкар-Олан лӱмгечыжлан пӧлеклалтше 37-ше полумарафон 10 августышто эрташ тӱҥалеш.
Куржталше-влак 21 меҥге да 100 метрыш, 10 меҥгыш да 5 уштышыш таҥасат. 21 менге утла кужытым 3 шагат наре жапыште эртышаш улыт. Йоча-влаклан, скандинав коштмашым йӧратыше да почётан уна-влаклан «Чарла полумиля» — 800 метр кужыт темлалтеш.
Полумарафонын корныжо ола сер дене шуйна. Вич меҥге кужытан икмыняр оҥгым Вознесенский, Пушкин, Комсомол, Кремль уремла да Чавайн бульвар ден Воскресенский сер мучко куржын эртышаш улыт.