Йошкар-Олаште Ната Бабушкина лӱмеш скверым шотыш кондымо паша умбакыже шуйна.
Муниципал контракт дене келшышын подрядчик-влак бордюр кӱым вашталтеныт, пеледыш шындыме верлам тӧрленыт. Кызыт асфальтым шарат. Лишыл жапыште каналтен шинчаш теҥгылым да урным вераҥдат. Тыгак велосипед корно лийшаш. Аллейын тӱҥалтышыштыже да мучашыштыже скверын историйже нерген каласкалыше стелле-влакым шогалтат.
Ната Бабушкинан скверым кеҥеж рӱдылан тӱрыс тӱзатен шукташ пелемдыме. Тидлан ола бюджет гыч 7,2 миллион теҥгем ойырым.