Кечышот. 25 cӱрем (июль)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий

  • Российысе теҥыз полицийын кечыже
  • Следственный органыште тыршыше-влакын кечышт
  • 1947 ий — Прага олаште самырык-влакын да студент-влакын икымше тӱнямбал фестивальышт эртен
  • 1954 ий — Марий Тӱрек кундем Косолоп селаште писатель Димитрий Орайлан чапкӱым почыныт

Шочыныт

  • 1926 ий — Илья Яковлевич Яковлев, ялозанлык вуйлатыше.
  • 1928 ий — Геннадий Степанович Патрушев, марий йылмызе, шанчызе, туныктышо.
  • 1955 ий — Раиса Лукияновна Яшметова, тӱвыра пашаеҥ.
  • 1961 ий — Владимир Викторович Ермаков, ялозанлык пашаеҥ.

Калык пале

  • Проклын кечыже. Калык ой почеш, тиде кече деч вара эрдене шолдыра лупс возаш тӱҥалеш. А Прокл кечын вочшо лупс пайдалылан шотлалтын, тудо чыла чер дечат эмла – маныныт.
  • Марий-влакат лупсым онченыт. Эрдене лупс вичкыж, йӱр толшашлан. Эрдене лупс шолдыра шырчан гын – оярлан. Йӱдым лупс возеш гын, йӱр вашке ок лий.
Кидшер
Шонымашым ешараш