1-ше июль гыч инвалид йоча-влакым да изи гычак 1-ше группан инвалидым ончышо ача-влак, опкун-шамыч тылзе еда тӱлымӧ оксам шукырак налаш тӱҥалыт. 2 тӱжем наре ача-ава 5 500 теҥге олмеш 10 тӱжем теҥгем кидышкышт кучат.
Пенсий фонд перерасчётым йодмашым возымо деч поснак ыштен. Марий Элыште тачысе кечылан 1 959 инвалид йоча да изи гычак 1-ше группан инвалид уло. Тылзе еда тӱлымӧ оксам нуным ончышо 1 891 пашам ыштыдыме ача-ава налеш. Тиде оксам ача-ава кокла гыч пашам ыштыдыме ик еҥжлан пуат.
Йочам ончышо пенсийым але пашадымлык шотышто пособийым налше ача-ава-влак тиде оксам налын огыт керт. Инвалид йочам ончымо жап страховой стажыш пура. Кажне ийжылан 1,8 балл шотлалтеш.