Республикым вуйлатыше Александр Евстифеев Угарман олаште эртыше «Производительность 360» федерал форумыш миен. Мероприятийын площадкылаштыже погынышо-влак производствышто аныклыме йӧным кучылтын паша лектышым кугемдыме опыт дене ваш палдарат. Александр Евстифеев «Эффективный регион» программе негызеш эн сай методике-влакым ончыктымо губернатор-влак радамыш пурен. Угарманыште тиде проект ӱмаште тӱналын. Аныклыме технологий промышленный предприятийлаште гына огыл, тазалык аралтын, туныткыш, агропромышленный предприятийлаштат шыҥдаралтеш. Тиде опытым шарен колташ палемдыме. Тудыжо «Паша лектыш да пашаверым муаш полшымаш» программылан кумданрак пашам ыштыш полшышаш. Форумышто тыгак кок секцийыште да пленар заседанийыште каҥашымаш эртен.

Промышленностьым вияҥдыме фондын эксперт советше Йошкар-Оласе йолчием фабрикылан 88 миллион утла теҥге льготан заёмым пуаш келшен. поливинилхлорид гыч защитный йолчиемым лукташ производствым модернизироватлаш колталтеш. Талукышто 200 тӱжем мужыр наре йолчиемым лукташ палемдыме. Проектын акше 184 миллион теҥгем эрта. Окса дене ПВХ-м велыкташ машиным, материалым автоматически шулаш техникым налыт. Тидыже пашан кугытшым ешараш да отходым шагалемдаш полша. Оборудованийым 2020-шо ийын кумшо кварталыште вераҥдат, а стум нылымше кварталыште лукташ тӱҥалыт.

Суд пристав дене вашлийме деч вара Марий Элыште илыше пӧръеҥ иканаште 37 штрафшым тӱлен. Килемар районышто регистрироватлалтше 32 ияш пӧръеҥым суд пристав-влак сайын паленыт. Корно правилым чӱчкыдын пудыртымыжлан кӧра ик гана веле огыл административно мутым кучаш ыштыме улмаш, но штрафым тӱлаш вашкен огыл. Парымже 50 тӱжем теҥгемат эртен. Суд пристав тудлан районысо пӧлкаш мияш ӱжмашымат колтен, банкыште улшо счётшо гыч оксажым налме шотыштат пунчалым лукмо. Но тудо регистраций олмышто илен огыл, сандене кычалмашке увертарыме. Июньышто тудын толын лекмыже нерген увер пурен. Тыге суд пристав тудын дене вашлийын кертын. Парыман еҥ тӱрлӧ кундемлашке пашам ышташ коштын улмаш. Кычалмаште улмыжым пален налмеке, парымжым вигак пӱтынек тӱлен.

Аркадий Сергеев

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.