Марий Элысе социал обслуживатлыше тӧнеж-влак у машина-влакым налыныт

Тыге налме транспорт негызеш 17 мобильный бригада ышталтеш.

(Йошкар-Ола, 5 август, «Кидшер», Аркадий Сергеев). Марий Элыште «Кугурак тукым» калыкле проектын «Кугурак тукымын илышыжым саемдыме да полышым пуымо программым ямдылымаш» регионысо проект илышыш шыҥдаралтеш. Тудын мероприятийже-влак кугурак ийготан да инвалид-влаклан кужу жап полшымо системым ышташ да полышлан кора стационар эмлыме верлашке эмлаш еҥ-влакым шагалрак колташ полшышаш.

Кугурак ийготан-влакын таза жапыштым шуяш да тазалыкыштым пеҥгыдемдаш, ялыште илыше-влаклан медицина полышым налаш йӧнан лийже манын, тений 17 единице техникым налме: 8 LADA «Largus» да 9 ГАЗ «Соболь» машинам налме.

Нуно 65 ияш деч кугурак ийготан еҥ-влакым медицина организацийлашке кондыштараш тӱналыт. Тиде сомыл тений нылымше квартал гыч тарвана. Таче районласе калыкым социал обслуживатлыше тӧнеж-влакым вуйлатыше-шамычлан республикым вуйлатыше Александр Евстифеев нине 17 машина деч сравочым кучыктен.

Кидшер
Шонымашым ешараш