Акрет годсек марий калыкын кечым шотлымо шке радамже лийын. Ты радамыште у идалык 22 мартыште шочын.

Кажне ий янлык, кайык, копшаҥге лӱм дене палемдалтын. 2020 ий – Слон идалык – пеҥгыдын шогымаш, шке шонымашыш шуаш тыршымаш, профессионализм, вийым погымаш дене кылдалтеш.

Толшаш ийыште шочмо калыкнан могайрак марий йӱла дене кылдалтше пайрем-влак лийыт? Марла календарьым темлена.

Шорыкйол (январь)
1 шорыкйол (январь) – У ий;
3-10 шорыкйол (январь) – Шорыкйол арня;
4 шорыкйол (январь)– Ош Тӱҥ Кугу Юмын савыртыш кечыже;
7 шорыкйол (январь) – Рошто;
19 шорыкйол (январь) – Вӱд модмо кече;
29 шорыкйол (январь) – Турек пазар;

Пургыж (ферваль)
12 пургыж (февраль) ­- Коҥга пазар;
15 пургыж (февраль) – Теле рӱдылан мучаш;
24-1 пургыж (февраль) – Ӱярня арня;

Ӱярня (март)
14
ӱярня (март) – Овдоким кече. Овдоким кече могай, шошо тугай лиеш;
22 ӱярня (март) – Шордо ийым Слон ий вашталта. Марий У ий;

Вӱдшор (апрель)
7 вӱдшор (апрель)
– Тер кудалтыме кече. Шошо пазар;
12 вӱдшор (апрель) – Воштыр пазар;
15 вӱдшор (апрель) – Кечыла вӱргече;
16 вӱдшор (апрель) – Сорта чӱктыш;
19 вӱдшор (апрель) – Кугече;
20 вӱдшор (апрель) – Шошымсо марий кумалтыш почылтмо кече;
24 вӱдшор (апрель) – Кугече кугарня. Шнуй он-шамычым шарналтен пелештат;
26 вӱдшор (апрель) – Марий талешке кече;
28 вӱдшор (апрель) – Радинча;

Ага (май)
1 ага (май) – Шошо да паша пайрем;
6 ага (май) – Йогор кече (вольыкым кӱтӱш лукмо кече);
9 ага (май) – Сеҥымаш кече;
22 ага (май) – Кеҥеж Миколо;
25 ага (май) – Агавайрем;
28 ага (май) – Илян-шамычын чон кумылышт кӱшкӧ кӱзымӧ кече;

Пеледыш (июнь)
3-4 пеледыш (июнь) – Семык;
5 пеледыш (июнь) – Лышташ кугарня;
8 пеледыш (июнь) – Мланде шочмо кече. Кугу Агавайрем. Кеҥежымсе кумалтыш почылтеш;
11 пеледыш (июнь) – Пактай пазар;
12 пеледыш (июнь) – Российын кечыже;
13 пеледыш (июнь) – Оно-Морко Агавайрем;
21 пеледыш (июнь) – Чумбылат курыкышто шнуй-влаклан товатлымаш. Шнуй Курык Кугызалан кумалмаш;
26 пеледыш (июнь) – Индеш кугарня;

Сӱрем (июль)
3 сӱрем (июль)– Мланде Юмын Ош кече йыр туран савырныме кечыже. Игече могай, шудым солымо, уржа-сорла жап тугаяк шога);
7 сӱрем (июль) – Йыван Купача кече;
10-17 сӱрем (июль) – Сӱрем кумалтыш арня. Тидын дене кеҥеж кумалтыш петырналтеш;
12 сӱрем (июль) – Петро кече;
21 сӱрем (июль) – Кеҥеж Казанский;
31 сӱрем (июль) – Илян Кугарня. Тиде кечын пашам огыт ыште, пасу пашамат тӱҥалаш ок темлалт;

Сорла (август)
1 сорла (август) – Малмыж вел Кугу Кетек ялыште шнуй Акпатырлан да Полтыш онлан вуйым савыме кече;
2 сорла (август) – Илян кече;
14 сорла (август) – Мӱкш илян кече (мӱкш ешын мӱйым поген шуктымыжым ончыкта);
19 сорла (август) – Саска илян кече ( пакчасаска кӱын шумым ончыкта);
28 сорла (август) – Кинде илян кече (шурно кӱын шумо кече);

Идым (сентябрь)
14 идым (сентябрь) – Кайыквусо илян кече (кайыквусо шулдыр вийвалне улмыжым ончыкта). Вӱд йӱкшымӧ кече. Семон кече;
21 идым (сентябрь) – Вольык илян кече (ашныме вольыкын да чодырасе янлыкын вийвалне шогымо жапше);
27 идым (сентябрь) – Свизын. Маска пайрем;

Шыжа (октябрь)
10 шыжа (октябрь) – Покро шуматкече, тоштыеҥым уштымо кече;
14 шыжа (октябрь) – Покро. Угинде пайрем;

Кылме (ноябрь)
4 кылме (ноябрь) – Марий Эл Республиклан – 100 ий. Шыже Казанский;
21 кылме (ноябрь) – Шыже пазар;

Теле (декабрь)
10 теле (декабрь) – Марий тиште кече;
19 теле (декабрь) – Тӱня Юмын савыртыш кечыже. Тиде тат гыч марий кумалтыш радам петыралтеш. Теле Миколо;
19-26 теле (декабрь) – Марий юмыйӱлан чоткыдо пӱтыжӧ.


Календарь гыч материалым кучылтыда гын, кылверым ончыткаш йодына.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.