Йолташ-влак! 11-ше марий калык погын марте пел ий кодын. Марий Мер Каҥашын сайтыштыже вӱдшор / апрель тылзын Марий калыкын XI Погынжылан ямдылалтме нерген уверым вераҥдыме ыле. 8-ше Пленумыш погынышо-влак шке шонымыштым луктын каласышт да тыгай пунчалым лукмо:

1. Марий калык Погыным 2020 ий, вӱдшор тылзын 10 да 11 кечын эртараш;

2. Погынышто 5 секций пашам ышташ тӱҥалеш:

1-ше секций: «Марий йӱла»

2-шо секций: «Марий калыкын ончылыкшо»

3-шо секций: «Мер паша»

4-ше секций: «Оласе да ялысе илыш. Могай ойыртем?»

5-ше секций: «Еш да марий йылме»

3. Делегат-влаклан квото: 1500 еҥлан – 1 делегат.

4. Наблюдатель-влак деч йӧршеш кораҥаш.

Ме калык шонымашым погаш тӱҥалына. Жапдам ида чамане, йодыш-влаклан вашештыза!

Йодыш Вашмут

1.Марий йӱлам кузе вияҥдаш, кумдан шараш?

2. Марий калыкын чотшо иземеш. Сӱретым сай могырыш вашталташ манын, мом ыштен кертына?

3. А. Тачысе мер пашам кузе акледа?

Б. Могай сеҥымаш?

В. Могай ситыдымаш?

Г. Могай темлымаш?

4. А. Оласе марий-влак кузерак илат-шӱлат?

Б. Ялысе марий-влакын илышышт нерген мом каласен кертыда?

5. А. Мужырышто иктыже марий, весыже вес калык гыч – кузе ешыште марий йылмым шыҥдараш?

Б. Кузе ешыште йоча дене марла мутланаш тӱҥалаш?

Мер каҥаш

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.