Эр кечым куанен вашлий,
Кужу ӱмыран тый лий.
Пӧрт тич пиал озаланыже,
Кажне кече куанлын эртыже,
Йомжо, шулыжо ойгет,
Пиал ден темже ӱмырет.

* * *

Ачай, авай! Ме кугешнена тендан дене, аклена, йӧратена. Сылне кӧргӧ чон илыш мурыдам ончыко шуяш тӱҥалына. Поро чонан улмыланда кугу таум каласена. Кӱртнӧ гай пеҥгыде тазалыкым, улан илышым, ош порсын гай волгыдылыкым, вараксим гай лывыргылыкым, кинде-шинчал перкем, пиалан кечым тыланен кодына.

* * *

Ачай, кочай, тазалыкет пеҥгыде, кочшаш киндет перкан, йӱшаш вӱден яндар, вий-куатет самырык годсо гай, ӱмырет йогын вӱд гай кужу-кужу лийже.

* * *

Йӧратыме ачай ден авайна, волгыдо илыш корныш лекташ полшымыланда ме тыланда мланде марте вуйнам савена. Шӱм-чон порылыкым пӧлеклен шогымыланда кугу таум каласена. Тек ончыкыжымат илышда порсын ярым гай волгыдо лиеш. Тиде тӱняште куанен илаш Юмо тыланда чыла могырымат йӧным ыштыже. Тек шокшо кече чондам ырыкта, леве йӱр чер деч эмла, шыма мардеж кап-кылдам лывырта, шочшыда, уныка-влакда кумылдам нӧлтат.

* * *

Тыланен кодына тыланда сай тазалыкым, чон ласкалыкым, еш пиалым, эн мӱндыр корно дечат кужу ӱмырым. Илышда лийже волгыдо да пиалан!

* * *

Кеч-кунамат шум-чон порылыкым полеклен шогымыланда кугу таум каласена. Тек ончыкшымат илышда порсын ярым гай волгалтын сылнештеш. Тиде туняште куанен илаш Юмо тыланда чыла могырымат йоным ыштен шогыжо. Тек шокшо кече чондам ырыкта, леве йур чер деч эмла, шыма мардеж кап-кылдам лывырта, шочшыда, уныкада-влак, йӧратен, ӱмырдам шуят.

* * *

Чодырасе кугу тумо гай тазалыкым, пасу мардеж гай писылыкым, нимучашдыме йолгорно гай кужу ӱмырым, яндар ший памаш гай волгыдо илышым, еш пиалым, весела кумылым. Олык пеледыш гай лийже сылне илышет, ойгым ынже пале шӱм-чонет. Тек Юмо чон ласкалыкетым перега.

Пагалыме пелаш, йӧратыме ачай, кочай тыйын ушан да поро мутет эреак мемнан шӱмыштӧ. Мыланна тый чон энертыш улат. Шурнан пасу гай поян, пеледыш олык гай чечен, эр лупс гай яндар кумылым, пеҥгыде вий-куатым, чоткыдо тазалыкым да кужу ӱмырым тыланена.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.