Марий Элын вуйлатышыже Александр Евстифеев Калыкын икоян улмо кече да Марий Эл Республикын кечыж дене саламлен. Саламлымашым республик вуйлатышын сайтыштыже вераҥдым.

«Нине пайрем-влак мыланна Российын историйжын геройло лаштыклажым ушештарат, тукым-влак кокласе кӱрышталтдыме кылым да мемнан шуко национальностян элыштына илыше еҥ-влакын чак чумырген шогымыштым символ семын ончыктат. Россий кугыжанышын исторический вияҥмаштыже лийше тура савыртышан пагытлаште Марий кундем шкенжын пӱрымашыжын, шкенжын ончыкылыкшын пӱтынь элын пӱрымашыже да ончыкылыкшо дене ойыраш лийдымын чак кылдалтмыштым ӱшандарен ончыктен», — палемда Евстифеев.

«Марий Эл Республик шкенжын культуржо, молын гай огыл улмыжо, шке кундемжын исторический, культурный, духовный наследийжым переген аралымыж дене, но тӱҥжӧ – тыште илыше еҥ-влакын поро кумылан да полшаш ямде улмышт дене ойыртемалтше регионлан шотлалтеш. Тыште илыше еҥ-влак социально-экономический, общественно-политический да культур илышыште чулымлыкым ончыктат, республикын ончыкылыкшым пырля чоҥат да тудым вияҥдымашке чапле надырым пыштат», — ойла регион вуйлатыше.

«Шушаш ийыште ме Марий Эл Республикым ыштымылан 100 ий теммым палемдена. Курымаш лӱмгече календарьысе чапле дате веле огыл. Мемнам пашаште чот тыршен кугу вашталтышым ыштыме идалык вуча», — палемда Марий Элым вуйлатыше.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.