XI Марий калык Погыныш 15% делегатым сайлыме. Тидын нерген Мер каҥаш палдара.
Верлаште делегат-влакым сайлымаш 29 февральыште мучашлалтеш. Тиде сомыллан Марий Эл Республикын кажне районжо да олаже ушнен. Морко, Юлсер, Провойрайон-влак пашам иктешленыт, кызыт Килемар, Курыкмарий районла шокшым кергалтен тыршат.
Юрин район икымше гана делегатым сайлымашыш ушнен. 25 февральыште Буково тӱвыра пӧртыштӧ «Марийын илышыштыже Юрино район» конференций лиеш.
Мер каҥашын еҥже-влакын ойлымышт почеш, делегат-влакым сайлымаш Карелий, Виче, Угарман, Башкортостан, ХМАО-Юграште эртен.
Пургыж тылзын 15 кечын — Казаньыште, 21 — Чебоксарыште, 22 — Тюмень, 27 — Ижевск, Сарапул, 28 — Уфа, Йошкар-Ола, 29 — Самара олала марий-влакым конференцийыш чумыра. Пошкырт кундемыште 69 эрвелмарий-влакым сайлышаш улыт.
Погынымаш-влак Свердлов кундемыште Арти (14 февраль) да Красноуфимскыште (15 февраль) эртарат.
Тачысе кечылан Санкт-Петербург да Ленинград область, Моско да Моско область, Екатеринбург, Пермь кундем эртарыме нерген кечым палемден огытыл.