Ушештарем, Параньга районысо Олор школ пелен Россий кӱкшытан VI марий самырыктукым слёт эрта. Слётыш Марий Эл, Одо, Пошкырт, Провой, Киров, Пермь, Татарстан, Ханты-Мансийск, Свердловск кундем гыч погыненыт.
Теҥгече Россий кӱкшытан VI марий самырык тукым слётым официально почыт. Тидын годымак самырык правительствышке сайлымаш эртен. Чыла тидын нерген тачысе уверыштына почын пуэна.
Россий кӱкшытан VI марий самырыктукым слёт почмашке Марий Оньыжа, Марий Эл Кугыжаныш Погын председательын алмаштышыже Анатолий Иванов, Тӱҥ онаеҥ Александр Таныгин, Марий Эл Республикысе виктер вуйлатышын алмаштышыже, тӱвыра, печать да калык-влакын паша шотышто министр Михаил Васютин, «Мер каҥашын», Марий калык конгрессын еҥже, «Марий Эл Радион» тӱҥ редакторжо Наталья Пушкина, компьютер лингвист Андрей Чемышев, Республикысе самырык парламентым вуйлатыше Екатерина Мартюшина., В. Колумб лӱмеш рӱдер-тоштер пеленысе «ВийАр» ушемын ончысо председательже Алёна Иванова, Сотнур школын вуйлатышыже Валериян Войконов, Марий Кугыжаныш университетын ректоржо Михаил Швецов, Марий Эл Республикысе туныктыш да шанче министрын алмаштышыже Энзе Идиатуллина, Параньга муниципал районным вуйлатыше, районысо депутат погынын председательже Любовь Михеева да моло уна саламлымашан шомакым каласеныт.  Тиддеч вара кажне делегаций шке мастарлыкшым ончыктен, шке кундемысе марий тӱвыраже, йӱлаже да ойыртемже дене палдарен.
Каласен кодыман, VI Марий самырыктукым слёт кышкарыште посна самырык правительстве да парламент пашам ышта.
Виктерын председательже — Александр Третьяков; тӱвыра министр-влак — Карпова Людмила ден Васильева Кристина; печать министр — Владимир Виногоров; образований министр – Лапина Татьяна; кочкыш йӧрвар шотышто министр – Зиадиева Марианна; пӱртӱс ден тазалыкым аралымаш шотышто министр – Смирнова Мария;
эл кӧргӧ паша шотышто министр – Ильтыбаева Виктория; спорт министр – Анастасия Бычкова, регион-влак кокласе министр – Егоров Иван.
Министерстве-влак паша планым ямдылат, тӱрлӧ акцийым эртарат. Вара парламент нунын пашаштым кажне кечын иктешла.
Таче, 1 июльышто самырык-влак: лекций да семинар занятий-влак, экскурсий, усталык этномастерской-влак, тӱвыра да спорт модмаш-влак лийыныт. Тылеч посна слёт пелен «Самырык этножурналистын школжо» эрта, нунат пеш тӱвыргӧ программе дене пашам ыштат.

Денис Речкинын фотожо,
Уверым «Кидшер» сайтын редакцийже ямдылен

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.