7-27 июльышто Марий кугыжаныш университетын национальный культур да калык-влак кокласе коммуникаций институт пелен йот элысе граждан-шамычлан марий йылме да культур кеҥеж школ пашам ышташ тӱҥалеш.
Марий Элышкына Финляндий гыч кумыт, Австрий гыч нылыт, Германий ден Швейцарий гыч ик еҥ гыч толыныт. Тыгак Москва гыч кок еҥ марий йылмым тунемаш тӱҥалеш.
Нуно чыланат Марий кугыжаныш университетын тӱшкагудыштыжо верланеныт. 12-19 июльышто Башкортостанын Пӱнчер ялыштыже эрвелмарий диалект курсышто лийыт. Курс-влак кум арня эрташ тӱҥалыт.
