17 октябрьыште М. Шкетан лÿмеш Марий национальный драме театрын сценыштыже чуваш драматург Арсений Тарасовын пьесыж почеш «Монча кечын» спектакльын премьерже лиеш.
Арсений Тарасов – пошкудо республикыште палыме писатель, Чуваш республикысе сымыктышын сулло деятельже, М. Сеспель лÿмеш Молодежный премийын, С. Эльгер лÿмеш журналист-влак премийын да И.Я. Яковлев лÿмеш чуваш национальный премийын лауреатше.
«Монча кечын» спектакльын режиссер-постановщикше — Марий Эл Республикын сулло артистше Роман Алексеев, художник-постановщик – Марий Эл Республикысе Кугыжаныш премийын лауреатше Сергей Таныгин.
Спектакльыште Россий Федерацийын сулло артисткыже, Марий Эл Республикын калык артисткыже Маргарита Медикова, Марий Эл Республикын калык артисткыже Антонина Антонова, Марий Эл Республикысе Кугыжаныш премийын лауреатше Павел Ефимов, Марий Эл Республикын сулло артистше-влак Светлана Сандакова, Алексей Тетерин, Алина Егошина, Александр Бирюков да Сергей Данилов модыт.
