Мер Каҥаш лÿм дене уло кумылын чыландамат кугыжаныш пайрем-влак дене, Калыкын икоян улмыжым ончыктышо кече да Марий автономийым ыштымылан 94 ий темме пайрем дене, алал кумылын саламлем!
Марий калыкын икоян лияш тыршымашыже, шочмо мландым, ача-авам, родо-тукымым пагалымаш да йöратымаш кумылжо курымла вошт вияҥ толаш йöным ыштен. А куатле уш-акылна, илыш вÿршерым умылен ошкылмына шкенан автономийым налаш да пошкудо калык-влакын кугыжаныш образованийышт дене иктöр вияҥ шогышо республикым — Марий Элым ышташ вийым пуэн. Автономийым налмеке, калыкнан илышыже, вияҥме корныжо палынак сай могырышко вашталтын. Марий-влак калык озанлыкын чыла гаяк шöрыныштыжö чолгалыкым ончыктеныт. Илыш дечын порыжым шÿм-чоныш налын, удажым öрдыжкö шÿкалын, ме шкенан ончыкылык корнынам чоҥена.  Кызыт кажне марий еҥын чоныштыжо ик шонымаш: тек Марий кундемна вияҥеш да у тÿсым налеш. Тидын верч марий калык уло моштымашыжым да уш-акылжым пыштен тыршаш тÿҥалеш манын ÿшаныме шуэш.
Марий калыкна ожнысекак поро пошкудо-влак дене келшен, нуным аклен, ваш-ваш полшен илен моштымыж дене ойыртемалтын. Мемнан пашаче кумылна, шке йылмынам, кугезе йÿла ден тÿвыранам сорта тулла переген илымына Марий Эл Республикынан, марий калыкын утыр вияҥ толмыжлан пеҥгыде негызым пышта да волгыдо ÿшаным пуа.
Пагалыме марий-влак! Лишемше кугыжаныш пайрем-влак дене алал кумылын чыландамат саламлем да кужу ÿмырым, пеҥгыде тазалыкым чолгалыкым, пиалым тыланем.
Пайрем дене!

Мер Каҥашым вуйлатыше, Марий Оньыжа
Анатолий Николаевич Иванов.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.