4 декабрьыште Марий кугыжаныш университет пелен, Марий Элын кечыжлан пӧлеклалтше Республик кӱкшытан «Мунло» интеллектуал марафоным эртыш.
Интеллектуал марафонышто школышто, ссуз ден вузлаште тунемше-влак таҥасеныт. Республикынан тӱрлӧ районжо гыч кандаш команде лийын, кажне командыште куд еҥ дене лийын. Модыш кум тур дене эртаралтын. Йодыш-влак шочмо кундемын лӱмлӧ еҥже, марий калыкын йылмыже да литературжо, марий калыкын илыш-йӱлаже теме-влак дене кылдалтше лийыныт.
Участник-влаклан весела кумылым Роза Искакова, Марина Садова да «Изи памаш» ансамбль пуртеныт.
Иктешлымашым ыштымеке, икымше верышке Марий Кугыжаныш университетын «Чимарий» командыже сеҥышышке лектын. Кокымшо верым Йошкар-Оласе 14-ше №-ан гимназийын «ВийАр» командыже налын гын, кумшо верым У Торъял районысо «Шонанпыл» команде. Моло команде-влаклан шарнымаш пӧлекым кучыктымо.
Тыглай интеллектуал марафоным Марий тӱвыра рӱдер, Марий Эл Республикысе тӱвыра, печать да калык-влакын паша шотышто министерстве, Марий Эл Республикысе туныктыш да шанче министерстве, Марий кугыжаныш университет эртареныт.
