Самырык-влаклан журналым ыштыманак!

Марий Элыште шӱдӧ латвич СМИ уло, тышечын нылле кудытшо печать савыктыш. Икмынярже самырык-влаклан пӧлеклалтше улыт. Финн-угор тӱняште гын, самырык-влаклан шуко журнал-влак лектеден шогат. Теве мутлан, Комиште — «Молодежь Севера», «Твоя Параллель», Одо кундемыште — «Портфолио», а Марий Элыште молан самырык-влаклан журналым лукташ огыл?
Лачак тиде йодышым «Йыргешке пӱкен» клубышто каҥашеныт. Мутланымашке, студент, журналист, блоггер, тӱрлӧ виктышыште, сферыште тыршыше еҥ-влак ушненыт.
«Йыргешке пӱкен» клубышко погынышо-влак молгунамсе семынак, изирак иктешлымашым ыштышт: самырык-влаклан марий йылме дене журналым ыштыманак.

А кузе те шонеда, самырык-влаклан марий журналым ышташ кӱлеш мо?



Кидшер
Шонымашым ешараш