Шошо кумылым пуртеныт…

«Кидшер» интернет-журнал увер-влак дене гына огыл палдарен шога, тыгак тудо тӱрлӧ оҥай мероприятий-влакын организаторжо семынат калыкыште палыме. Теве «Кидшер» интернет-журнал да У Торъял районысо Токтарсола тӱвыра пӧрт эртыше кечылаште Советский районысо Кукмарий тӱвыра пӧртыштӧ да Ӱшнӱр кыдалаш школышто «Шошо кумыл» концерт-влакым эртареныт.
Касым «Ӱдырамаш», «Ош йӱксӧ» да «Токтар кундем» ансамбль-влак сӧрастареныт. А Концерт-программым Николай Любимов вӱден, ятыр мурым калыклан пӧлеклен.
20 мартыште тыгай концертымак Оршанке районысо Лужбеляк ден Отарыште эртараш палемдыме.

шошо кумыл2

николай любимов

шошо кумыл1

Кидшер
Шонымашым ешараш