«Воштылаш, товатат, сулык огыл — 2015»!

Кажне ийын «Кугарня» газет «Воштылаш, товатат, сулык огыл!» мыскара конкурсым эртара. Тыгай конкурс икымше гана 1994 ийыште кок кече – 1 да 2 апрельыште – М.Шкетан лӱмеш театрыште лийын. Тунам тудым «Кугарня» ден «У вий» мер ушем эртареныт. А тений Воштылчык кечын Мыскараче-влакын поро йӱлаш савырныше пайремышт тений ынде коло кокымшо гана — 1 апрельыште Йошкар-Оласе Сеҥымашын XXX идалыкше лӱмеш тӱвыра полатыште лиеш. Сеҥыше-влак чапле пӧлек дене палемдалтыт. Икымше верыш лекшым ончычсо семынак телевизор вуча, кокымшо верлан – мобильный телефон, кумшо верлан магнитофон кучылталтыт.
Чыла йодышым 8 (8362) 45-11-88 да 8 (8362) 45-43-72 телефон-влак дене рашемдаш лиеш.

Кидшер
Шонымашым ешараш