«Мый марла ойлем» акций ынде шым ий почела, кажне шошым эртаралтеш. Акцийлан негызым В. Колумб лӱмеш рӱдер-тоштер пеленысе «ВийАр» тӱвыра да келшымаш кыл ушем 2009 ийыште пыштен. Тиде ийынат «Мый марла ойлем» акций лиеш. Тудо 26 апрельыште 15 шагатлан Йошкар-Оласе  Чарласе  Кремльыште эртаралташ тӱҥалеш.
Акций Марий кундемын рӱдолаштыже ик тылзе шуйна. Самырык тукым кевытлашке, тунемме верлашке лектын коштыт, «Тыште марла мутланаш лиеш» наклейкым пуэдаш тӱҥалыт.
Акцийын тӱҥ шонымашыже: шочмо йылмым, тӱвырам арален да вияҥден шогаш.
Пайрем жапыште «Мый марла ойлем» акцийын палыже-влакым – значокым, «Марла кутырыктыш» буклетым – шаркалаш тӱҥалыт.
Мероприятий сылне концерт дене мучашлалтеш. Тунам сылнымут произведений-влак йоҥгалтыт, шуко куштымаш, мурымаш лиеш.
Акцийым Марий тӱвыра рӱдер эртара. Марий Элысе тӱвыра, печать да калык-влакын пашашт шотышто министерстве полышым пуа. Тыгак пашаш «ВийАр» мер ушем, Марий Эл Республикысе калык-влакын самырык ассамблейыже, калык-влак кокласе кылым вияҥдыме шотышто группо, школышто, ссуз ден вузышто тунемше-влак ушнат.
Каласен кодыман, тыгай акцийым республикысе район ден олалаштат, марий-влакын тӱшкан илыме кундемлаштат эртараш лиеш. Тӱҥжӧ — акцийым эртараш кумыл гына лийже.

КонтактЫште: vk.com/event23747283

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.