Кодшо кечылаште МарГУ-ш куан увер толын: кок аспирант Россий кӱкшытан стипендийым налаш тӱҥалеш. Теве Александр Ведерников 2015-2016 тунемме ийлан Россий Президентын стипендийжым налме шотышто Всероссийский почмо конкурсышто сеҥышыш лектын. Тудым россий экономикым уэмдыме да технологий могырым вияҥдыме направленийыште тыршыше, тунеммаште да шанче пашаште кугу тыршымашым ончыктышо аспирант-влаклан пуат. Александр аспирантурышто «Биохимий» специ-альность дене тунемеш (шанче вуйлатышыже биологий науко доктор, профессор В.Н. Самарцев). Тудо 24 научный пашан авторжо, тушеч 5-ше ВАК-ын рецензироватлыме шанче журналлаште савык-талтын. 
Аспирант Светлана Адакеева шке вийжым Россий Правительствын стипендийжым налме шотышто тыгаяк конкурсышто терген да сеҥыше-влак радамыш логалын. Светлана Александр семынак «Био-химий» специальность дене тунемеш, нунын научный вуйлатышыштак иктак. Светлана 22 шанче пашан авторжо, нылытше ВАК-ын журналлаштыже савыкталтын, визытше Web of Science да Scopus базыште индексироватлалтын.
Каласыман, аспирант-влак Александр ден Светлана ончычат ятыр награде дене палемдалтыныт.

Автор: Леонид Гимаев

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.