Командирым йомдарымек, бойым ончыко наҥгаен!

0
145

Кугу Ачамланде сар годым совет калык, тудын сарзывийже Шочмо элын эрыкшым арален налын, кугу исторический сеҥымашым таптен да уло тӱня калыкым фашист куллык деч утарен. Марий-влакат изи огыл надырыштым сеҥымашке пыштеныт. Ик тыгай тале марий Совет Союз Герой Анатолий Николаевич Громов нерген «Ме шарнена» интернет-проектыштына каласкалена.
Анатолий Николавич 1911 ий 15 августышто Вятский губерний Уржум уезд Конганур волостьысе Ӱлыл Кукмарий (Марй Эл, Советский р-н, Кукмарий ял. — авт.) ялыште кресаньык ешеш шочын. Шымияш школым тунем пытарымек колхозышто пашам ыштен.
Created by Readiris, Copyright IRIS 20101941 ий телым Йошкар Армийыш налыныт. 1942 ий шорыкйол гыч — фронтышто. 1943 ийыште младший лейтенант-влак курсым тунем лектын. 1185-ше стрелковый полкысо взводын командирже (Центральный фронтын 61-ше армийже, 356-шо стрелковый дивизий), младший лейтенант Громов А.Н. Днепр эҥерым кредалын вончымаште пеш кугу чолгалыкым ончыктен. 1943 ий 28 идымыште Новосёлки села кундемыште (Репкинский р-н Черниговский обл.) Громовын вуйлатен шогымо взводшо ик эн ончыч эҥерын пурла серышкыже вончен, Брагинка эҥер дек лектын, тудын гоч вончен да кучедалмашым тӱҥалын. Ротын командирже колымек, Анатолий Николаевич шке ӱмбакше командованийым налын. Рота ончыко каен, тушманым эҥер деч чактарен. Громов А.Н. кредалмаште чот сусырген гынат, шке ӱмбачше рота ден вуйлатен шогымым кораҥден огыл.
1944 ий 15 шорыкйолышто А.Н.Громовлан Совет Союз Герой лӱмым пуэныт. 1944 ийыштак комиссоватлыме. Шочмо ялышкыже пӧртылан, колхоз председательлан пашам ыштен, варажым сельсовет председатель лийын.
Ленин орден-влак ден, Отечественный сарын 1-ше степенян орден ден, медаль-влак ден палемдалтын.
Чаманен каласаш логалеш, Алексей Николавеичын  1987 ий 28-ше июньышто шӱмжӧ кырымым чарнен. Шӱгарже Советский район, Советский поселкышто.
Умбакыже «Ме шарнена» интернет-проектыште Евсей Алексеевич Алексеев нерген палдараш тӱҥалына.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.