Йоча-влаклан сылне пайрем!

Икымше июнь — Йочам аралыме тӱнямбал кече. Тудын вашеш республикыштына ятыр оҥай мероприятий эртаралте. Теве, Йошкар-Олаште улшо рӱдӧ тӱвыра да каныме паркыште йоча-влаклан «Ик кечым пӧлекле йочалан» пайрем  эртыш.
Сылне пайремым Кеҥеж, Ӱчызо Тарля да  Шырий Петр герой-влак сӧрастареныт, тӱрлӧ модыш дене модыктеныт. Йоча-влаклан поснак шовын шӱвыроҥ шоу келшыш.
Программым «Шокто гармонь», «Изи памаш», «Шонанпыл» йоча образцовый ансамбль-влак да «Талант памаш» студий сӧрастареныт.
«Марий Эл Радион» тӱҥ редакторжо Владимир Матеев радиошто йоҥгышо йоча муро-влаклан «Нью Трейд» компаний деч пӧлекым пуэн.
Палемден кодыман, пайремыш «Марий Юнкор — 2015» регион-влак кокласе слётын еҥже-влакат ушненыт.
А тӱрлӧ модышышто, конкурсышто чолгалыкым ончыктышо йоча-влаклан тамле  мороженыйым «Еврофуд» компаний кучыктен.
Пайремым Республикысе марий тӱвыра рӱдер, «Взрослые — детям»  онкологий  да гематологий черым эмлаш полшышо фонд, «Саскавий» ӱдырамаш ушем дене пырля эртарен.
Эртыше пайрем гыч фоторепортажым ончалаш темлена:

Кидшер
Шонымашым ешараш