Уло ӱмыржым шочмо эллан пӧлеклен!

0
135

Кугу Ачамланде сар годым совет калык, тудын сарзывийже Шочмо элын эрыкшым арален налын, кугу исторический сеҥымашым таптен да уло тӱня калыкым фашист куллык деч утарен. Марий-влакат изи огыл надырыштым сеҥымашке пыштеныт.
Ты гана Совет Союз Герой, Гвардийын полковникше Ардашев Валентин Кузьмич нерген «Ме шарнена» интернет-проектыштына каласкалена.
Валентин Кузьмич 1925 ий 14 шорыкйолышто Новосельский ялыште, кызыт Вӱрзым район Киров областьыште кресаньык ешыште шочын. Пермь кундемысе Александровск олаште 5 классым тунем пытарен. Марий АССР Мари-Турек район Косолоп МТС-ыште кузнечлан пашам ыштен.
1943 ий шорыкйол тылзыште Косолоп райвоенкомат гыч Йошкар Армийыш каен. Ӱарня тылзе гыч фронтышто. Днепр эҥер гоч кучедалмаш ден вончымаште да белорус Рогачёв олам утарымаште чолгалыкым ончыктен.
1943 ий идымыште Ардашев шке полкшо икымше радамыште Днепр гоч Вищин ял (Рогачёв район Гомельский область Белоруссий) кундемыште вончен. Тушманын аралыме опорный пунктышкыжо керылтын, гранат да автомат ден тушманын 30 салтакшым пытарен да нылытшым пленыш налын.
СССР Верховный Совет Президиумын Пунчалже почеш 1944 ий 23 сӱремыште командованийын шӱдымыжым шот ден шуктымылан, немыч сарзе-влак ваштареш кучедалмаште лӱддымылыкым, чолгалыкым ончыктымылан красноармеец Ардашев Валентин Кузьмичлан Совет Союз Герой лӱмым пуэныт, Ленина орден ден «Золотая Звезда» медальым кучыктеныт.
Чолга салтак Сеҥымаш марте илен шуктен. ВКП(б) радамыш 1944 ийыште пурен. Сар деч вара старший сержант званий ден запасыш каен.
Старший сержант Ардашев сар деч вара мӧҥгӧ пӧртылын, а варажым Брянск олашке илаш куснен. Пенсийыш лекмешкыже олан ик заводыштыжо трактористлан пашам ыштен. Чаманен каласаш логалеш, 2000 ийыште илыш ден чеверласен.

Материыалым ямдылыме годым
С. Г. Чавайн лӱмеш калыке книгагудын сайтшылан эҥертыме.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.