Эртыше арнян Курыкмарий кундемыште Эмӓнсола школ пелен, кокымшо гана, тӱвыра да историй туныктымо «КРАВЕЦ» форум эртен.
Ты форум Марий Элнын тӱрлӧ районлаже да пошкудо Чуваш республик гыч 67 ӱдыр-рвезым чумырен.
«Ты ийын форум Сылнымут идалыклан пӧлеклалте. Санденак, форумыш сылнымут, сымыктыш, театр ден журналистикылан шӱмаҥше ӱдыр-рвезе-влакым чумыраш тыршенна», — палдара форумын директоржо Алексей Мишаков. 
Ныл кече жапыште самырык-влаклан оҥай да шкешотан журналист, тӱвыра да сымыктыш пашаеҥ-влак дене вашлиймаш эртеныт. Самырык-влаклан поснак Мороскино ялыште улшо «Ши йыл» тоштерыште лияш келшен. Тиде тоштерыште Анастасия Эшмякова ӱпым пунаш, Сергей Савельев шун гыч тÿрлö арверым ышташ, Фаина Эшмякова кӱсле дене шокташ, Сергей Алдушкин сӱретым возаш, Тамара Петрова тӱрлаш туныктеныт.
Форумын  кугу унаже Марий Эл Республикысе виктемым вуйлатышын алмаштышыже, Марий Элын Республикысе тӱвыра, печать да калык-влакын пашашт шотышто министр Михаил Васютин лийын. Михаил Зиновьевич Марий Элысе главан сомылжым жаплан шуктышо Леонид Маркеловын организатор-влаклан таумут серышым кучыктен.
Форум Чалымсолаште улшо Н.Игнатев лӱмеш краеведений да Козьмодемьянскыште Кава йымалысе тоштерыш мийыме дене мучашлалтын.

Ушештарем, форум кокымшо гана эртен. Кодшо ийын, самырык-влак шке пашаштым амалкалче да ялозанлык теме почеш виктареныт ыле.
Форумым «Самырык инициативе тӱшка»  Российысе Калык Фронтын Марий Эл Республикысе кыдежын (отделений) полшымыж дене эртара.
Форумын учредительже – Марий Эл Республикысе тӱвыра, печать да калык-влакын пашашт шотышто министерстве, Марий Эл Республикысе туныктыш да шанче министерстве, Курык марий районын администрацийже.

«КРАВЕЦ» форумын унаже — «Кидшер» интернет-журнал… Ончаш »
Самырык-влак «Кравец» форумыш чумыргат Ончаш »

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.