Йошкар-Олаште «Сабантуй» пайрем эртен

Марий Элыштына тӱрлӧ национальностян калык ила. Кажне калыкын ойыртемалтше йӱлаже, тӱвыраже, йылмыже да пайремжат уло. Эртыше шуматкечын, Йошкар-Олаште «Сабантуй» пайрем эртыш.
Пайремыште Марий Эл Республикын вуйлатышын сомылжым жаплан шуктышо Леонид Маркелов лийын. Унам кинде-шинчал дене огыл, чак-чак дене вашлийыныт.  Леонид Маркелов самырык, чолга спортсменлан приз шотеш велосипедым ямдылыме нерген палемден. А Леонид Игоревичлан тюбетейкым пӧлекленыт.
Пайремыште кажне кумылан еҥ муно але мешак дене куржталмаште, пырня вач вончымаште шкенжым терген кертын. Молгунамсе семынак, тӱҥ событийлан куреш кредалмаш лийын.

Пётр Васильевын фотожо-влак.

Кидшер
Шонымашым ешараш