Эртыше кечылаште Эстонийысе Тарту олаште Финн-угор калык-влакын самырык-влакын ассоциацийыштын (МАФУН) XII конгрессше эртаралтын.
Конгресс жапыште пленарный заседаний эртен. Тушто кажне делегаций кок ий жапыште ыштыме пашаж нерген палдарен. Марий мер ушем-влакын докладыштым тыште лудын кертыда.
Тӱрлӧ темылан секций-влак пашам ыштеныт. Тылеч посна Тарту мучко экскурсий да тӱрлӧ вес культурный мероприятийлан конгресс поян лийын.
А пытартыш кечын МАФУН-ын правленийышкыже, йӱклымаш почеш, 12 еҥым пуртеныт. Правленийын членже-влак: Екатерина Кирдяшкина (Мордовий), Василий Чупров (Коми), Евгений Сиваев (Марий Эл), Виктор Вылко (Ненецкий АО), Анна Анхимова (Карелий), Михаил Трифонов (Мурманск), Виталий Сигилетов (ХМАО), Андрей Петров (Санкт-Петербург да Ленинград область) да Алексей Шкляев (Одо). Президентлан, Эстон кундемын ӱдыржым, Каби Сувим лияш ӱшаненыт, а ассоциацийын вице-президентше ынде Артём Малых да Мари Сарахеймо улыт.
Палемдем, МАФУН-ын вес конгрессше 2017 ийыште Ижевскыште эрташ тӱҥалеш.
