Поэт-влак, «Светлана» конкурсыш ушныза!

0
38
гана онченыт

Светлана Эсаулова лӱмеш фондын учредительже-влак самырык поэт-влак коклаште конкурсым увертареныт.
«Светлана» лӱман сылнымут премий верч конкурсыш ушнышо авторлан 40 ий темшаш огыл. Жюри член-влак, савыкталтдыме книга-влакын рукописьыштым ончат. Кугытышт 5 печатный лаштык (3500 корно) марте лийшаш. Тыгак почеламут пелен йодмашым колтыман. Тушто шке нерген увертарыман: лӱм, фамилий, ачалӱм, илыме вер, вашкылым ышташ телефон номер, шочмо кече, электрон адресым ончыктыман.
Усталык пашам 424032, Йошкар-Ола, Сталинград кредалмашын геройжо-влак урем, 8-ше пӧрт, 32-шо пачер адрес але youleal@yandex.ru электрон почто дене вучат.
«Светлана» литератур конкурсын премийже – 25 тӱжем теҥге. Тудо 24 октябрьыште «Айда йолташла мутланаш» поэзий касыште кучыкталтеш. Паша-влакым 30 сентябрь марте колтен шуктыман.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.