Акций ден конкурслаш ушнаш ӱжына!

0
201

«Кидшер» интернет-журнал ушештара: сайтыштына тӱрлӧ, оҥай да шкешотан конкурс-влак эртат. Кажне кумылан еҥ шканже келшыше конкурсым ойырен, вийжым терген кертеш.
Российыште Литератур идалык эрта. Элыштына сылнымут темылан ятыр мероприятий, конкурс, акций эртарат. «Кидшер»тендам «Сылнымут мундыра» конкурсыш ушнаш ӱжеш. Конкурс самырык возышо поэт, писатель, журналист-влаклан эрта. 

«Сылнымут мундыра» конкурс нерген кумданрак лудаш »

Марий Автономий Областьым ыштымылан тений 95 ий темеш. Тиде пайрем вашеш «Кидшер» интернет-журнал да «ВийАр» тӱвыра да келшымаш кыл ушем «Мый да мыйын республикем» конкурсым увертареныт.
«Мый да мыйын республикем» конкурсыш шочмо кундемна дене кылдалтше тӱвыра, историй, пӱртӱс да шарныктыш вер нерген эссе але видеосӱрет материалым колтыман. Тиде конкурсыш 6-11 классыште тунемше-влак, ВУЗ-ышто шинчымашым погышо студент-влакым ушнаш ӱжына.

«Мый да мыйын республикем» конкурс нерген кумданрак лудаш »

Кок ий почела «Марий улмем дене кугешнем» фотоконкурсышкат ушнен кертыда. Тышке фотографийдам колтеда, йымалныже икмыняр шомакым, ойым але иктаже почеламутымат воза гын, почеламутымат сералтен кертыда. Конкурсын ик эн тӱҥ келшыкше: фото-влак марий шӱлышан лийшаш улыт.

«Марий улмем дене кугешнем» конкурс нерген кумданрак лудаш »

«Кидшер» интернет-журнал дене пырля» изирак акцийышкат ушнаш ӱжына!
Акцийын тӱҥ шонымашыже - «Кидшер» интернет-журнал нерген шке шонымашдам возен колташ. Лийже тиде тыглай комментарий але кугу критике.
А мом тышке возаш лиеш? Тыште те «Кидшер» сайтыште улшо материал, рубрике але тичмаш сайт нерген шке шонымашдам возеда. Мо тыланда келша але огеш келше? Могай темым нӧлталман але шке темлымашда уло?

«Кидшер» интернет-журнал дене пырля» акций нерген кумданрак лудаш »

Палемден кодыман, «Книга – яллан» поро кумылым ончыктышо акций у вийым налын. Тиде акцийышке кажне еҥ ушнен кертеш! Тӱҥ шонымаш: кӱлешан книгам кевытыште налын, але мӧҥгыштӧ аралалтше сай, но оккӱл книга-влакым иктаж ялысе школлан, библиотекылан пӧлеклаш.
Книга-влакым «Мер каҥашын» пӧлемышкыже конден кертыда. «Мер каҥашын» пӧлемже Гагарин урем, 8 № пӧрт 211 кабинетыште верланен. Йодыш-влакым телефон-влак дене рашемден кертыда: 8-902-670-70-54 (Николай), 8-987-720-10-14 (Алёна).

«Книга – яллан» акций нерген кумданрак лудаш »

Ушныза конкурслашке! Тергыза вийдам! Жап шагал кодын!

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.