Пагалыме туныктышына-влак, «Кидшер» интернет-журналын коллективше тендам профессионал пайрем кечыда дене алал кумылын саламла.
Тачысе пайрем кажне еҥлан шерге. Вет ты кечын ме кеч-кунамат школ годсо йӧратыме да пагалыме туныктышына-влакым шокшын да порын шарналтена. Икымше гана парт коклашке шичше икшыве-влакым возаш, лудаш, шотлаш туныкташ куштылгыжак огыл, но те чыла нелылыкым чытен шке пашадам шуктеда. Пашадарда кугу огыл гынат, но пашадаже акдыме. Тек паша корныда волгыдо, оҥай, яндар да пиалан лийын шогыжо.
Пагалыме туныктышына-влак! Шке икшывыда семын тунемше-влакым чытен, умылен моштымылан, кӱкшӧ уш-акыллан да илыш корным палымылан – кугу таум ойлена. Лач тендан полшымо денем ме ончыко каена, кугу кӱкшытышкӧ шуына.
Пагалыме педагог-влак, чыландаланат пеҥгыде тазалыкым, кӱкшӧ шинчымашым, усталык корнышто сеҥымашым, вашла пагалымашым, пиалым да чолгалыкым тыланен кодына!
«Кидшер» интернет-журналын коллективше!