Кеҥеж пагыт эртымек театр-влак у тургымым почыныт, тӱрлӧ усталык рӱдер-влак пашам тӱҥалыныт. Мер ушем-влакат шеҥгелан огыт код.
Эртыше кечылаште «ВийАр» тӱвыра да келшымаш кыл ушем Оршанке районысо Керде ялыште верланыше «Кугу маска» каныме базыште самырык активист-влакым чумырен. Тиде мероприятийыш тыгак МАФУН-ын 2003-2005 ийлаште лийше президентше Василий Петров, Марий Эл Республикысе тӱвыра, печать да калык-влакын пашашт шотышто министерствын пашаеҥже Игорь Садовин, Мер Каҥашын еҥже, кидмастар Виталий Кудрявцев ушненыт. Тушто активист-влак мер пашаштым иктешленыт, ончыкылык паша радамым каҥашеныт. 
«ВийАрын» у проектше – «Марий ончылъеҥ» семинар нерген Николай Любимов палдарен. «Семинар жапыште тренинг, оҥай лекций, практик паша, палыме еҥ дене вашлиймаш-влак эрташ тӱҥалыт. Эн тӱҥжӧ самырык-влак ешартыш шинчымашым налыт, умбакыжым шкеныштым тӱрлӧ мероприятийлаште ончыктен кертыт», – палдарен «ВийАр» тӱвыра да келшымаш кыл ушем вуйлатыше.

Чумыргышо активист-влак каненат сайын шуктеныт: маска дене вашлийыныт, бильярд дене модыныт, марий мончашке пуреныт.
«Тиде мероприятий мыланем пеш келшыш. Йолташ-влак дене вашлийым. У еҥ-влак дене палыме лийым. Тӱрлӧ темылан мутланымаште шканем пайдале информацийым нальым. Ончыкшым тыгай погынымаш лийыт гын, пеш сай лиеш», - шке шонымашыжым ойла Елена Рублёва.
Эртыше мероприятийым эртараш полшымылан «Кугу маска» каныме базын уста пашаеҥыштлан да базын вуйлатышыже Григорий Иванович Тихоновлан кугу таум ойлат.

5 КОММЕНТАРИЙ-ВЛАК

  1. Моткоч кӱлешан пашам шуктен шогена, марий самырык тукым. Шке пашадам виктараш оҥай йӧным ойыренда. Молодцы! Пашада ушныжо. Чыла шонымашда шукталтше. Меат кугурак ийготан-влак тыланда кертме семын полшаш тӱҥалына. Ончыкшымат книга акцийдам шуйыза, яллашке лектын коштса, самырык тукым дене вашлиймаш-влакым эртарыза. Нигӧ деч ида лӱд. Ончыко!!! Тау Аленалан, Васялан, Игорь Садовинлан.

  2. Тиде мероприятий мыланем пеш келшыш. Йолташ-влак дене вашлийым. У еҥ-влак дене палыме лийым. Тӱрлӧ темылан мутланымаште шканем пайдале информацийым нальым. Ончыкшым тыгай погынымаш лийыт гын, пеш сай лиеш.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.