«Юмынӱдырым» ончаш толза

0
244

М.Шкетан лӱмеш Марий кугыжаныш драме театр 8 мартыште «Юмынӱдыр» мюзиклым ончаш ӱжеш.
Мюзикл марий мифологий негызеш возалтын. Юмын ӱдыржӧ лийын. Ӱдырым Керемет йӧратен илен.
Ик сылне кечын Юмынӱдыр, мландышке кӱтӱм кӱташ волышыжла, памаш дене Марийым вашлийын. Нуно вашла йöратен шынденыт. Тыге Юмынӱдыр Марий дене мландыште илаш кодын. Ачаже ынже йомдаре манын, порсын лӱҥгалтышеш солыкым кылтен. Юмо ача, ӱдыржö колен манын, чот ойгырен. 
Марий  ден Юмынӱдырын эрге икшыве шочын. Пиалан мужыр порсын лӱҥгалтыш дене Каваш кӱзен. Юмо каваште сӱаным тарватен. Керемет сырымыж дене Марийым мландышке кудалтен. Марийын камвочмо верешыже Ото атыланен шогалын.
Автор-влак кумдан палыме марий мифым у семын ончалаш темлат. Кок самырык рвезе, шоныдымын-вучыдымын, кугезе-влакын илыме жапыш логалыт...
Спектакль 15 шагатлан тӱҥалеш.


Проектын вуйлатышыже - Юрий Русанов;
Проектын, сценарийын авторжо – Наташа Пушкина;
Композитор –   Светлана Яндукова;
Режиссер-постановщик – Роман Алексеев;
Художник-постановщик –   Сергей Таныгин;
Видео дене оформлений - Светлана Соловьева;
Хореограф-постановщик – Александр Казаринов;
Костюмым  Татьяна Изычева келыштарен;
Муро текстым Лидия Иксанова возен.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.