Биографий: Светлана Эсаулова

0
249

Светлана Николаевна Эсаулова (У Торъял кундем, Чӱксола ялыш 1954 ий 15 Шыжа) — марий почеламутчо.
У Торъял кундем, Чӱксола ялыш 1954 ий 15 Шыжаште шочын. У Торъял кундемысе кыдалаш школым тунем пытарымеке, туштак музык туныктышылан пашам ышташ тӱҥалын. МарГУ-што тунемын, но тунем пытарен огыл, пелашыже дене пырля Байконурышко кая. 1992 ийыште Москосо М. Горький лӱмеш Литератур институтым тунем пытара. Радиошто, «Марий коммуна», «Кугарня» газетлаште, «Кече» журналыште журналистлан пашам ыштен. 
«Шочмо мланде» икымше почеламутшым Светлана Эсаулова тӱжем индеш шӱдӧ шымле кокымшо ийыште, «Марий комуна» газетеш савыктен луктын. Тӱжем индеш шӱдӧ кандаш лу кокымшо ийыште тудын ятыр почеламутшо «Кинде-шинчал» сборникыш пурен. Тӱжем индеш шӱдӧ индеш лу икымше ий гыч ССРУ писатель ушемыште лийын. Лудшо-влак тудын «Кидшер» (1991) сборникшым куанен вашлийыныт. Каласен кодыман, Светлана Николаевнан ятыр почеламутшылан семым келыштарыме, муро-влак шочыныт. Марий книга савыктыш Светлана Эсаулован почеламут аршашыжым у книга дене савыктен луктын. Тудо «Шинчашкет ом ончо сулыканла» маналтеш. Поэтессе Валентина Изилянова Светлана Эсаулован поэзий аршашыжым, рушла кусарыме тудын почеламутлажым, порын шарнен каласыме ой-шомаклам иктыш чумырен, чапле книгам ямдылен.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.