Биографий: Вячеслав Абукаев-Эмгак

0
160

Вячеслав Абукаев-Эмгак (Абукаев Вячеслав Александрович) (1959 ий, шорыкйолын 5-ше кечыже - 2008 ий, ага тылзын 29 кечыже) - марий серызе, поэт, прозаик, драматург, кусарыше, журналист , театр пашаеҥ. Олык Ипай лӱмеш Кугыжаныш премийын лауреатше (1990), Марий Элын Калык серызыже (2006), Кугыжаныш премийын лауреатше (2007).
1959 ийыште 5 шорыкйолышто Мишкан кундемысе Токтар ялыште кресаньык ешыште шочын. 6 ияш гыч школышто тунемаш тӱҥалын. 5 класс гыч «Ямде лий» газетыш юнкор семын возаш тӱҥалын. Кандаш классым пытарымек  Чорай кыдалаш школышто тунемын.  29 майыште 2008 ийын тудын ӱмыржӧ лугыч лийын. Тудым шочмо кундемыштыже тоеныт.
1975 ий гыч МарКУ-со историй да филологий факультетыште шинчымашым поген.
1980 ий гыч «Ямде лий» газетын, «Ончыко»  да «Пионер йӱк» журнал-влакын редакцийыштышт тыршен.
Вячеслав Абукаев-Эмгак 10 утла книгам савыктен луктын, шуко пьесыж почеш театрлаште спектакль-влакым шынденыт, 100 утла мурылан мутым возен, руш йылме гыч шуко кусарен шоген.
1990 ийыште Олык Ипай лӱмеш Кугыжаныш премийын лауреатше лийын.
2006 ий гыч Марий Элын Калык серызыже.
2007 ийыште С. Г. Чавайн лӱмеш кугыжаныш премийын лауреатше лийын.
Пытартыш ийлаште М. Шкетан лӱмеш Марий кугыжаныш драме театрыште сылнымут пӧлкам вуйлатен шоген.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.