Кодшо арнян, 8 октябрьыште МарГУ-што хореографий залым торжественно почыныт. Тушко ректор Михаил Швецовӱвыра, печать да калык-влакын пашашт шотышто министрын алмаштышыже Владимир Актанаев, преподаватель да студент-влак толыныт. Залыште Калык культур да тӱвыра кокласе кыл институтын студентше-влаклан занятийым эртарат, тышке моло факультетлаште тунемше, кушташ йӧратыше кажне еҥ коштын кертеш. 
Тыгай чапле пӧлекым кучыктымылан тӱвыра да сымыктыш кафедрын профессоржо, РФ-ын сулло артистше Славик Асмаев тауштен ойлен. Ты йоҥгыдо залыште тудын вуйлатыме у коллектив кок куштымашым калыклан ончыктен.
Институтын кумшо кырсыштыжо хореографий профиль дене тунемше Маргарита Кутасова студент-влак лӱм дене вузым вуйлатышылан залым почмылан тауштен да куштымо аланыште сай сеҥымашыш шуаш, тӱрлӧ кӱкшытан конкурслаште университетын да Марий Элын чапшым кӱшнӧ кучаш сӧрен.
Ректор Михаил Швецов тиде кечым эре шарнаш манын, МарГУ-што кажне ийын 8 октябрьым Куштымаш кече семын палемдаш темлен.

Леонид Гимаев

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.