М.Шкетан лӱмеш Марий кугыжаныш драме театр 22 октябрьыште 18 шагатат 30 минутлан «Айдеме йӧратымаш» спектакльым ончаш ӱжеш.
Самырык драматург Дмитрий Богословский пӧръеҥ да ӱдырамаш коклаште кыл нерген шкешотан ойлымашым возен.
Пьесыште действий ялыште эрта. Ялысе калык чыланат сайын илынешт, тыге нуно шижмаш круговоротыш пурат. Пӧръеҥ йӱеш — еш орлана. Пӧръеҥ шке ватыж ӱмбак кидым нӧлта. Ӱдырамаш ок чыте, марийжым пуштеш. Ӱдырамаш тидым чыла шылта. Школ жап гычак тудым йӧратыше рвезылан марлан кая. Но колышо пелашыжын чонжо ӱдырамашын шинчажлан конча. Герой-влакын шижмашыштым мут дене от каласен керт.
