Кылме тылзын 18-19  кечынже Озаҥ (Юл кундем) федерал университетыште «Калыкле поянлык» студент фестиваль эртен. Тудо Юл кундемысе калык-влакын усталыкыштлан пӧлеклалтын. Тушто шке мастарлыкыштым 350 студент да усталык коллективым вуйлатыше 9 номинацийыште ончыктеныт. Вузын у зданийыштыже 3-шо ден 4-ше пачашыштыже мотор деч мотор, ӧрыктарыше, шке кид дене ыштыме арвер-влакым вераҥденыт: курчак, калыкле вургем, сӧрастарчык (украшений) да молат. Студент-влаклан поснак пу гыч пӱчкеден да шӱштӧ гыч мозаикым ыштыме, тӱрлымӧ мастар-класс-влак келшеныт.
Тиде фестивальышке Марий кугыжаныш университет гыч калыкле тӱвыра да тӱвыра кокласе коммуникаций институтын «Салика» коллективше миен коштын, вуйлатышыже – доцент Н.А.Макарова. Мемнан студент-влак кум виктышыште таҥасеныт: «Калык муро» (Мария Тимиряева), «Хореографий сымыктыш», «Сылнымут» (Христина Иванова). Чыла кум номинацийыштыжат кокымшо вер дене палемдалтыныт. Фестивальым, эн сай номер-влакым ойырен, иктешлыше кугу концерт дене мучашленыт. Ончышо-влак «Салика» коллективын тошто марий куштымашыжым поснак куанлын вашлийыныт.

Леонид Гимаев

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.