«Книга – яллан» акцийым иктешлыме!

0
264

Сылнымут идалык мучашке лишемеш. «ВийАр» тӱвыра да келшымаш кыл ушем идалыклан пӧлеклалтше ятыр мероприятийым эртарен. Иктыже - «Книга – яллан» поро кумылым ончыктышо акций.
Акцийын тӱҥ шонымашыже: кӱлешан книгам кевытыште налын, але мӧҥгыштӧ аралалтше сай, но оккӱл книга-влакым иктаж ялысе школлан, библиотекылан пӧлеклаш. Тидын дене верысе лудмо да шинчымашым пуышо тӧнежлан могай-гынат полыш лиеш. 
«Книга - яллан» поро кумылым ончыктышо акций икымше гана 2013 ийыште шошым эртен. Шуко книгам поген Пошкырт кундемыш колтымо. Кодшо ийын «Кидшер» интернет-журналын йодмыжо почеш, «ВийАр» тӱвыра да келшымаш кыл ушемын еҥже-влак  тиде акцийлан у шӱлышым пуэныт.
Ты гана акций эртарыме годым чылажге кок тӱжем утла книга ден журналым погымо. Нине савыктыш-влакым Татарстан, Одо, Пошкырт кундемлашке колтымо.
Тений тиде акцийым калыкын йодмыж почеш эртарыме. Интернетыште лукмо йӱклымаш почеш, 90.9% ты акцийым кӱлешлан шотла. Идалык мучко кум тӱжем наре савыктышым погымо.
Акцийышке уло кумлын йоча-влаклан пӧлеклалтше «Ямде лий» газет (Л. В. Семёнова), «Марий ушем» (В. Н. Козлов), туныктышо еш  Семён Дмитриевич ден Валентина Михайловна  Дмитриевмыт, поэтессе Зоя Дудина, тӱвыра пашаеҥ Игорь Садовинлан, амалкалче Валерий Очеевлан организатор-влак пеш кугу таум каласат.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.