Сӱрет келшыше лийже!

0
173

«Ямде лий» газет ден «Кидшер» интернет-журналын пагалыме йолташыже-влак! У ийлан пӧлеклалтше сӱрет конкурснам иктешлена. Конкурсыш чылаже 21 паша пурен. Морко район Коркатово лицей гыч эн шуко сӱретым налынна. 1-ше классыште тунемше-влакым поснак чот мокталтыме шуэш. Нуно изи улыт гынат, пеш тыршеныт. Тиде Мария Дмитриева, Ангелина Огнева, Катя Рассанова, Анна Александрова, Эмма Абросимова, Иван Васильев, Артём Боголюбов шке гыч сӱретлыме пашашт дене куандареныт. 
Ты лицей гычак Эмилия Александрова (5-ше кл.) ден Настя Матвеева (3-шо кл.) таҥасымашке ушненыт.
Лилиана Петраева (3-шо кл.), Вика Лоскутова да Данил Черкасов (6-шо кл. Йошкар-Оласе 7-ше номеран школ), Андрей Кораблёв (2-шо номеран Шернур шк., 4-ше кл.), Валерия Пакалина (Провой кундем, 2-шо номеран Красногорский шк., 2-шо кл.) мастарлыкыштым аклаш темленыт.
Советский район Вечын школ гыч Катя Юркина да Ксения Кочакова (8-ше кл.), Белла Соловьёва (6-шо кл.) ойыртемалтше сӱрет-влакым колтеныт. Морко посёлкысо 1-ше номеран йочасадыш коштшо Кирилл Яковлев, Сашенька Васильева ава-ачашт полшымо дене оҥай сӱрет-влакым ыштеныт. Кирилл изи парняж дене чиялтен, а Сашенька сӱретшым манне шӱраш дене сылнештарен. Нине сӱрет-влакым мыланна воспитательницышт Инна Валерьевна Алексеева газетын редакцийышкыже пуртен пуыш. Морко посёлкысо 6-шо номеран школ гыч Даниил Алексееват (4-ше кл.) мотор сӱретым ыштен.
Таҥасыше-влак тӱрлӧ ийготан лийыныт. Садлан паша-влак арулык, чаткалык шот дене ойыртемалтыныт. Икмыняр икшыве ямде сӱретым корен луктын, чиялтен колтен. Тыршенда, умылена, молодец улыда. Но весканалан ушыш пыштыза: тыгай сӱретым кугыеҥ-влак вигак шекланат. Шке кид дене ыштыме паша эре кӱкшын аклалтеш.
У ий сӱрет конкурсышко ушнышо-влакым мокталтена да кажныжлан сертификатым кучыктена. Тудым редакцийышке пурен налман.
«Кидшер» интернет-журналын йӱклымашышке 838 еҥ ушнен. Вика Лоскутован пашажлан эн шуко (178) еҥ йӱкшым пуэн. Викам сеҥымаш дене саламлена! Викам «Ямде лий» газет редакцийыште пӧлек вуча.

«Ямде лий» газет ден «Кидшер» интернет-журналын пашаеҥышт.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.